01Bakgrunnur & reynsla
Fyrirmyndin mín er Ingólfur Guðni heitinn, bróðir pabba, sem rak sína eigin auglýsingastofu. Hann átti stóran þátt í því að vekja áhuga minn á myndavélum og auglýsingagerð — áhuga sem hefur fylgt mér síðan.
Ég lauk námi í kvikmyndatækni hjá Studio Sýrland. Þar lærði ég að vinna hugmynd frá undirbúningi í gegnum tökur og eftirvinnslu, og hversu miklu gott samstarf skiptir fyrir útkomuna.
Síðan hef ég unnið við auglýsinga- og myndbandagerð og myndað yfir 3.000 fasteignir. Ég nýt þess sérstaklega að vinna með lýsingu, finna rétta sjónarhornið og klippa myndefni þannig að takturinn og sagan haldi athyglinni.
02Gott samstarf byrjar á samtali.
Þú þarft ekki að mæta með fullmótaða hugmynd. Við byrjum á því að ræða hvað þú vilt sýna, hverjum þú vilt ná til og hvar efnið á að birtast. Þaðan mótum við verkefnið saman.
Ég sé um tæknilegu hliðina svo þú getir einbeitt þér að því sem þú vilt koma á framfæri. Góður undirbúningur gefur okkur skýra stefnu og svigrúm til að nýta hugmyndir sem verða til á tökustað.
03Af hverju ONE SHOT?
Ég stofnaði ONE SHOT til að byggja upp þjónustu sem ég get staðið á bak við: vandað myndefni, skýr samskipti og nægan tíma til að vinna verkið vel.
Ég vil að fólk upplifi að það sé að vinna með mér og geti komið með hugmyndir, spurt spurninga og treyst því að ég leggi mig fram við verkefnið.
